🚫www.ofppt.ma التسجيل 2022 🚫
❌ملاحظة مهمة راه كنهضر على نظام التكوين في الظروف العادية ماشي النظام الإستثنائي ديال كورونا
التكوين المهني في سطور :
قراوه عافاكوم راه غادي يفيدكوم واره خدا ليا قريب ساعتين 2h
أولا هاد الموضوع شفتو منشور أكثر من عام يعني لي كتبو اول مرة هضر على النظام القديم ..وكاين بعض الناس لي معارفينش ان النظام ديال التكوين تبدل بزاففف كلشي ومازالين كينشروه وكيعطيو للناس فكرة مغلوطة ...ولهذا حاولت نصحح هاد المنشور
❎ من بين الاشياء لي تغيرات فالنظام الجديد لي طبق أول مرة ف 2019 :
البرتيك تحيد من الباساج ( وكنقصد ب براتيك الشعب لي كان فيهوم براتيك بصح كيدوزوه ف atelier ب les composant و les machines بحال شعبة ESA TEMI TSMIA AII ....مكنقصدش الشعب لي عندهم براتيك اصلا غير بورقة وستيلو )
- الموديلات رجعو بالمعاملات - comunication تحيدات من fin formation - النسبة ديال القسم زادت - ولاو امتحانات fin module كندوزوهوم réginale جهوي....
أنا حاولت نصحح هداك الشي لي تغير ولي متغيرش خليتو
❎هادشي لي غادي نقولو راه متأكد منو 100% وراه عندي المذكرة ديال النظام الجديد لي بغاها مرحبا ❎
⚠الفرق بين ITA و ISTA
بالنسبة ل ITA :
يمكن يقراو فيها صحاب السادس يعني مستوى التخصص وصحاب التاسعة يعني مستوى التأهيل وصحاب niveau bac يعني تقني وإلى بغيتي تسجل فيها كدوز امتحان صغير ساهل QCM وإلى تقبلتي يمكن تقرا فيها
وبالنسبة ل ISTA :
فيها هادشي لي ف ITA كامل زائد يمكن يقراو فيها صحاب الباك يعني تقني متخصص . بالنسبة للباك يتم الإنتقاء على حسب النقطة كل شعبة والمعدل المطلوب فيها وغالبا تيكون أكثر من 12/20 ..ولكن إلى كانو لي دافعين مجايبينش 12 راه يمكن يقبلو ب 11 و 10
❎ ملاحظة مهمة : ف التكوين المهني كاين بما يسمى نظام الممرات يعني إلى مثلا كنتي تقني ونجحتي وجيتي من الأولين يمكن ليك دوز ل تقني متخصص وخا معندكش الباك ونفس الشيء من كاليف ل تقني ومن مستوى التخصص ل كاليف
⚠ فيما يخص التسجيل بلامانهدر عليه
⚠ التخصصات المتوفرة ف ISTA :
🔼 بالنسبة للمسالك العلمية :
Agence de voyage
Conducteur de traveaux publics
Réseaux informatiques TSSRI
Développement informatiques TSDI
Commerce TSC
Agro-alimentaire
Bureau d'étude en construction métallique
Hôtellerie et tourisme
Développeur multimédia TSDM
Gros ouevre TSGO
Gestion des entreprises TSGE
Électromécanique des systèmes automatisé ESA
Génie climatique TSGC
Infographie TSI
Automatique et informatique industrielle TSAII
🔼بالنسبة لمسالك الآداب و الاقتصاد :
Administration gestion et commerce
Comptable d'entreprises
Secrétariat bureautique
Audiovisuel et cinéma
Tourisme hôtellerie
Cuisine
Réception d'hôtel
Moniteur d'auto ecole
Textile habillement
......
⚠ الدروس و الإمتحانات ف ISTA " اقصد النظام الجديد لي عاد تبدل هاد العام 2019 "
ف ISTA كنقراو موديلات وكل موديل عندو مدة زمنية محددة 60 ساعة 90 ساعة 30 ساعة.....وكل موديل كدوز فيه 2 امتحانات ديال المراقبة المستمرة تيكونو على 20 وامتحان نهاية الموديل تيكون على 40 EFM : Examen de fin module
●طريقة حساب معدل موديل واحد
كنجمعو الإمتحان الاول + الإمتحان الثاني كنقسموهوم على 2 . وكنجمعو هاد النقطة مع النقطة ديال EFM وكنقسمو كلشي على 3 ((C1+C2/2)+EFM)/3
هادشي كامل يلاه كيعطينا نقطة موديل واحد وكل موديل عندو معامل ديالو على حسب الأهمية بخصوص الشعبة ديالك كاين لي معامل 1 2 3
.وبالنسبة للإمتحانات كاين لي Theorie وكاين لي Pratique
وكاين موديلات لي كندوزهوم Régionale وغالبا تيكونو Pratique
المواظبة والسلوك حتى هو موديل داخل مع الموديلات ديال السنة المعامل ديالو 1
وفي الاخير كنجمعو كل موديل مضروب في معامله وكنقسمو على مجموع المعاملات باش تخرج لينا النقطة ديال القسم " لي كنا كنسمويها ف ليسي نقطة المراقبة المستمرة "
❎ طريقة حساب المعدل العام :
✔السنة الأولى :
في السنة الاولى كندوزو ف اخر العام امتحان passage حاليا سماوه synthese هاد الإمتحان " راني ديما كنهضر على النظام الجديد 2019" تيكون Theorie كتابي وتيكون على 100 كدوز فيه جزء خاص ب Theorie نيت تيكون على 40 وجزء أخر خاص ب براتيك على 60 ولكن هو راه امتحان واحد على 100 مدته 4 ساعات
وبالنسبة لنقطة القسم ديال العام الاول" يعني المراقبة " كتكون على 60
يعني النقطة العامة ديال العام الأول كتحط على 160 يعني 100%
القسم على 60 يعني 37.5 %
والباساج على 100 يعني 62.5 %
ومن هذا نستنتج أن الباساج عندو قيمة كبيرة جدا يعني خاصكوم تركزو عليه مزييان وكذلك تجيبو نقطة زوينة فالقسم باش تعاونكم
إلى جبتي مابين 9 و10 فالعام الأول لا قدر الله وكان سلوكك مزيان ومكتغيبش بزافف يمكن تنجح ب rachté وهاد rachté موضوع اخر كبيير.. فايت نشرتو لي بغاه نصيفطوليه مرحبا
✔ السنة الثانية :
بالنسبة للسنة الثانية حتى هي فيها نقطة القسم العامة على 60 و theorie على 40 وبراتيك على 60 لكن فالعام الثاني تيكون زايد سطاج شهر او شهرين على حسب المنطقة لي نتا فيها وحتى هو كيتحسب موديل وسط موديلات ديال القسم ومنين كتسالي سطاج ديالك خاصك تكون صاوبتي Rapporte de stage باش تعطيه للإدارة
❎ملاحظة : خاصك غير تبدا سطاج تبدا تصاوب ف الرابور وتبقى تاخذ تصاور ديال الألات والأجهزة لي شفتي .....المهم كل واحد على حسب التخصص ديالو
والرابور تيكون كتاب صغير كدير فيه هداك الشي لي شفتي ولي تعلمتي وكتهضر على الشركة لي سطاجيتي فيها.....ومن الأحسن تصاوبوه بالكولور وهداك الشي يكون منظم
منين كدخل من سطاج خاصك دوز soutenance يعني تقدم عرض على الرابور ديالك وتشرح ليهوم اش استفدتي واش تعلمتي من السطاج ومن الأحسن يكون Power point وغالبا تيكون حاضر المدير وبعض الأساتذة " بلا تخلعو راه ساهل و لي بغا نعطيه يشوف نموذج الرابور ديالي مرحبا 😊 "
'كاين بعض المؤسسات مكيديروش هادشي كامل لي ذكرت ف السطاج '
⚠ كيفاش كيتحسب لك النجاح في التكوين المهني :
النقطة العامة ديال الديبلوم " ديما كنهضر على النظام الجديد 2019 " كتكون على 180 وهي كالتالي
النقطة باش نجحتي العام الأول على 20 يعني 11.11%
النقطة ديا القسم ديال العام الثاني على 60 يعني 33.33%
النقطة ديال Theorie ديال Fin formation على 40 يعني 22.22% والنقطة ديال براتيك ديال fin formation على 60 يعني 33.33%
ومن هنا نستنتج أن العام الأول يلاه كيمثل 11% ❗❗❗والعام الثاني 89% تقريبا يعني العام الثاني هو كلشيℹ وهو لي ينجحك او يسقطك🚫🚫🚫
⚠ نظرة عامة على ISTA :
باش مزيانة ISTA تقدر مور عامين تخدم أكيد إلا قلبتي غتلقا آه و حاجة أخرى فيها ميمكنش ليك تغيب ماشي بحال لافاك تجي وقت مابغيتي و تخرج وقت مابغيتي ..ISTA صارمة شوية يعني الحضور إجباري و الطابلية البلوز ضروري .. زيد عليها السلوك لي ضروري بزاف كن ضريف و مؤدب مع الأساتذة إلا بغيتي يتعاونو معاك أما ديك البسالة الحامضة و الشغب و تبان قدام بنادم غيخرج عليك ا صديقي ممسلكش داكشي مهم كيعتمدوا على السلوك
■ صحاب تقني متخصص TS ملي كتسالي التكوين ديالك يمكن ليك كيف قلت تمشي تقلب على خدمة على حساب داكشي ليدرتي ولا تابع و تكمل إجازة مهنية licence professionelle مع الدولة او بالفلوس ويمكن ليك كذلك تكنل حتى الماستر علاش لا وتولي equivalent d'un ingéniuer بحال مهندس لانك صبحتي عندك bac +5 ولكن هادشي كيبغي الصبر والإجتهاد والقراية.... ولا دير مشروع خاص فردي ولا مع الدولة في إطار التحفيز و التشجيع و هادي بيني و بينكم غي هدرة متسنا من الدولة تا وزة خدم على راسك و قلب على راسك ..
⚠ نصائح و توجيهات :
نفس النصائح ليعطيت على لافاك لا أكتر ولا أقل و حاجة أخرى متحكروش ISTA راه شحال من واحد حاليا شاد منصب ممتاز وكيتخلص صالير مزياان كانت بدايته من OFPPT ...قرا ا صاحبي و ختي و كون راسك براسك المهم أنك تقرا و توكل على الله سبحانه و تعالى و ربي مكيخيبش ليباغي شي حاجة و كيطمح ليها و أكيد كيخدم عليها و بكل جدية و عزيمة و إرادة غتوصل .. و كيف كانقول مكايناش شي حاجة سميتها ما فيهاش قراية .. غير نوي و قرا على راسك و لأجل المسؤولية ليكتنتظرك حيت مابقيتيش ولد تساناهوم يقولوليك نوض تقرا .. نسا البسالة و التعناب و الحموضة دوالوا إلا بغيتي الصرف يدخل جيبك .. و سمحولي إلا هدرت هكا و لكن هادشي ليكاين .. إلا عندك شي تساؤؤل خليه ف تعليق فيما يخص ISTA و اقترحوا الموضوع الجاي ديال غدا ليبغيتو نهدر عليه
⚠ يمكن 😲 :
يمكن ليك إلا درتي التكوين المهني تكمل قرايتك في الخارج فرنسا و ألمانيا ....
إلى كنتي مهتم طاغي صحابك يستافدو أو صيفطو ليهوم
❎ملاحظة اخيرة : متسمعوش لهادوك لي كيبقاو يفشلوكوم ويقولو ليكوم راه التكوين ما فيه والو كذا وما لقيناش الخدمة والهضرة الخاوية......هادوك كلقاهوم ناجحين غير بالنقيل وجايب 10 بزز وراسهوم خاوي واي كونكور دوزو كيسقط فيه واصلا كاين كونكورات كيطلبو تكون جايب من 13 لفوق بحال كونكور ONDA لي داز مؤخرا .....واي شركة دوز فيها entretien مقابلة مكيقبلوهش ...شكون يخدم واحد وهو راسو خاوي❎❌🚫 لهذا راه ماشي اهم حاجة هي الديبلوم لا اهم حاجة هي شنو عندك ف راسك واش كتعرف دير...قراو واجتهدو وبالأخص فالدار لان التكوين او التعليم بصفة عامة مكيعطيكش كلشي كيعطيوكوم القواعد ونتوما خاصكوم تزيدو تبحثو وتقلبو وديرو مجهود اكثر ... وفي عصرنا الحالي المعلومات غير مشتتين والأساتذة لي كيشرحو ف يوتوب بالعرااام والتالي فينا مكتخطاهش كونيكسيو ...ولكن حنا كنضيعو كونيكسيو غير فالفيديوات ديال الفضائح ديال الناس والتفاهات ...لنرتقي قليلا