السلام عليكم بزاف منكم كيسولوني واش ندير نظتم الباكلوريوس ولا نظام الاجازة وبزاف منكم كيقولو ليا شرح لينا نظام الباكلوريوس لذا جاوبت على الأسئلة التالية في منشور
أولا : شنو هو نظام الباكلوريوس
ثانيا:ما هي مشاكل وعيوب النظام الحالي
ثالثا :شنو هي أهداف هاد.النظام الجديد وشنو هي المميزات ديالو
رابعا:شنو هو الجديد فهاد.اانظام مقارنة مع الاجازة
خامسا :كيف تتم الدراسة فيه وكيف هي طريقة تقييم النقط والوحدات التي تدرس في كل سنة
على بركة الله نبداو بالسؤال الأول :نظام الباكلوريوس نظام تعليمي معتمد عالميا فبزاف ديال الدول فامريكا واسيا وأوروبا ومدة الدراسة فيه هي 4 سنوات عوض 3 سنوات
نمشيو للسؤال الثاني لي هو مشاكل وعيوب النظام الحالي لي هي كثيرة بزاف نذكر منها ضعف المستوى اللغوي وغياب المهارات الذاتية وصعوبة الاندماج في سوق الشغل وغياب التمارين التطبيقية ما كاين غير النظري نعام اسي هاد شي علاش غادي يتدار الباكلوريوس باش يقضي على هاد المشاكل كاملة .
نمرو للسؤال الثالث ونذكرو أهداف ومميزات هاد.النظام لي هي كثيرة كذالك نذكر منها لحد من الهدر الجامعي عند.الطلبة وتمكينهم من اتقان اللغات الاجنبية واكتساب المهارات الحياتية وتعزيز القدرات الرقمية وكذلك تحسين الحركية الدولية للطلبة لي باغيين يكملو قرايتهم في الخارج حيت غايولي الديبلو بحال بحال لذا يقدر اي طالب يتوجه للدراسة على برا بدون اي عراقيل وكذلك تحسين قابلية التشغيل وملءمة التكوين الجامعي مع متطلبات سوق الشغل بمعنى غاتخدم غاتخدم هي غاتخدم .
نمرو للسؤال الرابع لي فيه الفرق بين النظامين: كيف كنعرفو النظام المعمول به حاليا هو الاجازة الماستر دكتوراه (L.M.D)وبالتالي الباكلوريوس غادي تجي في عوض الاجازة وهاد.نظام الباكلوريوس فيه 4 سنوات العامين الاولين فيه متشابهين في جميع الشعب وفيها كيكون الانفتاح اي السماح للطالب بالانفتاح على مجالات معرفية اخرى من غير المجال لي كيقراه الشيء لي كيخليه يدير اعادة التوجيه لأي شعبة بغاها بدون عرقلة وكذلك يمكن ايه يدير داك سي تطبيقي في جمعيات او مقاولات .......
نمشيو للسؤال الأخير :نظام الدراسة في الباكلوريوس مكون من 4 سنوات
السنة الأولى:( سنة تاسيسية)غادي تقراو فيها 4 وحدات معرفية و2وحدات ثقافة عامة و4وحدات في اللغة و2وحدات في التطوير الذاتي والمهاراتي للطالب
السنة الثانية :(جذع مشترك)غادي تقراو فيه 6 وحدان معرفية و2ثقافة عامة و2في اللغة و2في التطوير الذاتي والمهاراتي للطالب
السنة الثالثة:(تخصص) غادي تقراو فيها 8 وحدات معرفية و2وحدات ديال ثقافة خاصة و2 في التطوير الذاتي والمهاراتي
السنة 4:(تعميق التخصص) غادي تقراو فيها 8 وحدان معرفية و2وحدات ديال (PFE)واللي الطالب حر يقدر يديرو على شكل تدريب مهني ودراسات ميدانية ولا مشروع مقاولات ولا ولا ولا ولا .........
طريقة التقييم validationفهاد النظام غاتكون بنظتم الارصدة القياسية بمعنى خاص الطالب يجيب 30 نقطة في كل فصل ما يعادل 60 نقطة في السنة وبالتالي 240 نقطة باش تاخد.الباكلوريوس في أربع سنوات
ختاما كنقول ليكم نظام الباكلوريوس فرصة جديدة ورائعة غاتمكن الطلبة انهم يديرو داك الشي تطبيقي وينميو مهاراتهم ولغتهم ويندمجو في سوق الشغل .