نصيحة : صحاب التاسعة حرة 2025 راه عندكوم جوج امتحانات امتحان فنهاية النصف الأول (شهر 1 أو 2) أو امتحان فنهاية النصف الثاني (شهر 6). ها شهر 10 دابا سالا يا راه بقات ليكوم غير 3 شهور أو أقل للإمتحان الأول. يا نساو عليكوم دابا شي حاجة سميتها التسجيل حيت أصلا ماكيبدا حتى لشهر 12 أو كيسالي فشهر 1 أو راه حالو ساهل.
أو بداو الأهم لي هو الحفاظة و القراية و التوجاد، الوقت راه كيجري بقات ليكوم 3 شهور للامتحان. ملاحظة : الامتحان الأول (دروس الدورة الأولى فقط) و الامتحان الثاني (دروس الدورة الثانية فقط).
يعني فهاد 3 شهور لي جاية راجعو غير دروس الدورة الأولى صافي حتى دوزو امتحان النصف الأول عاد بداو تراجعو دروس الدورة الثانية.
تعديييل:::: اشفتكم تخلعتو ! ها الي كايقول ميمكنش هالي كايقول لا حتا شهر 2 ،هالي كايقول عاد السيت متحل
الاخوان، راه خاصكم تحفضو قبل مايحلو السيت اصلا!! وحتا ايلا نيشان فشر 2 راه خاصكم تبداو الحفاضة، هاد الصورة درتها هنايا باش نرد فيكم النفس، راه دزت من داك الوقت الي كتدوزو منه ومبغيتكمش تطيفو فمشكل لي طاحو فيه بزاف ديال الناس
خلاصة القول:
هاد الصورة مادرتهاش باش تخلعكم درتها باش تفيقكم وتمشيو تحفضو ،وسواءا عندكم فشهر 1 ولا شهر 2 ،راه دابا خاصكم تكونو حفضو نص ديال الدروس ماشي عاد مزال محفضتو والو.
ماشي نهار الامتحان تشكاو راه داكشي لي حفضنا ماشي هو هاداك الي حطو لينا!!