نبداو ب EST و لي هي اختصار ديال Ecole Supérieure de Technologie أي المدرسة العليا للتكنلوجيا ، هاد المدرسة كاتتواجد فبزاف ديال المدن ،فيها مجموعة من التخصصات المهنية، يعني التخصص لي ختاريتيه راه هو المجال فاش غادي تخدم كادوم فيها الدراسة بالأساس سنتين (2) كاتسالي بالحصول على الديبلوم الجامعي للتكنلوجيا DUT ،
هاد الديبلوم كايمكنك أساس من ولوج سوق الشغل فالقطاع العام او الخاص ، لأنك كيف قلنا كاتقرا تخصص مهني يعني كاتتخرج تقني عالي فشي تخصص بحال المعلوميات، الكهرباء، الميكانيك، التسويق ....
و يمكن ليك أيضا تتابع الداسة ديالك من بعد DUT، مثلا يمكن ليك تزيد عام اخر باش تاخد إجازة مهنية، او يمكن ليك تزيد 3 سنوات فشي ENSA او FST او ENSAM ... و تتخرج مهندس دولة لكن بطبيعة الحال باش دير هادشي كايخصك تكون جايب مزياااان فديك العاماين لي قريتي فالاول + كونكور ..
ندوزو دابا ل FST و لي هي اختصار ديال Faculté des Sciences et Techniques اي كلية العلوم و التقنيات ، هاد الكلية حتا هي كاتتواجد فبزاف ديال المدن و هي تقريبا بحال الشكل ديال كليات العلوم لي كانقولو ليها حنا لافاك دالصيونص فيها تخصصات ديال الرياضيات الفيزياء الكيمياء البيولوجيا الجيولوجيا و كاتنقاسم فيها الدراسة
(بالنسبة هاته السنة 2024 تم اعتماد نظام جديد و شعب جديدة غتلقاوهم أتناء التسجيل ديالكوم في المنصة بالإضافة إلى المدكرة الوزارية التي سبق أن نشرتها على الصفحة )ل 3 دالمراحل
* : - سنتين للحصول على ديبلوم الدراسات الجامعية للعلوم و التقنيات DEUST
- ثلاث سنوات للحصول على الاجازة في العلوم و التقنيات LST
- خمس سنوات للحصول على الماستر
- ثمان سنوات للحصول على الدكتوراه و نتا وجهدك 😅😅 الحاجة باش كاتختالف FST على باقي كليات العلوم أن الدراسة فيها كاتكون مزيرة شوية إداريا + ظرروف الدراسة أفضل حيت كايكون عدد الطلبة قليل مقارنة مع عدد الطلبة فالكليات العادية + إختلاف آخر و هو توفر FST على سلك المهندسين لي يمكن يولجوه الناس لي خداو DEUST بنقطة مزيانة يعني أن سنتين ف FST لا تؤهل لولوج سوق الشغل أساسا !
حيت كاتقرا فيها مواد أساسية و ماشي مهنية ، مواد فحال الماط و الفيزيك و البيولوجيا .. لي غادي تأهلك لولوج سلك المهندسين الى خدمتي و جبتي نقط مزيانة
نصيحة لي نبغي نصح بيها أي واحد كنت باغي تكمل قرايتك سواء إجازة ماستر... أو شي سلك مهندسين فأحسن اختيار هو fst بالنسبة لي باغي يخدم مورا عامين فأحسن اختيار هو est (عموما الصالير كيكون ديك 4k درهم ) و أغلبية طلبة كتحاول تقلب تكمل قرايتها مورا ديك عامين لكي أوضح صحاب est كيلقاو مشكل كبير في كونكورات حنت مكيتعمقوش بحال صحاب fst و لافاك