ﺷﺪﻳﺘﻲ ﺩﻳﻚ ﺍﻟﺒﺎﻙ ﻋﻠﻮﻡ ﺭﻳﺎﺿﻴﺔ .. ﻋﻠﻮﻡ ﻓﻴﺰﻳﺎﺋﻴﺔ .. ﻋﻠﻮﻡ ﺣﻴﺎﺓ ﻭ ﺃﺭﺽ ﻭﻻ ﻋﻠﻮﻡ ﺗﻘﻨﻴﺔ .. ﻫﻬﻬﻪ ﻣﻬﻢ ﻋﻠﻮﻡ ﺷﻲ ﺣﺎﺟﺔ، ﻓﻼﻓﺎﻙ ﻛﻠﺸﻲ ﺑﺤﺎﻝ ﺑﺤﺎﻝ .. ﻻ ﻓﺮﻕ ﺑﻴﻦ ﻣﻘﺒﻮﻝ ﻭ ﻣﻮﻝ ﺍﻟﻤﻮﻧﺴﻴﻮﻥ ﺇﻻ ﺑﺎﻟﻜﺮﻳﺪ ﻭ ﺍﻟﺴﻬﻴﺮ ﺍﻟﺨﺪﻣﺔ ﺛﻢ ﺍﻟﺨﺪﻣﺔ
ﺑﺎﻗﻲ ﻓﺮﺣﺎﻥ ﺑﺪﻳﻚ ﺍﻟﺒﺎﻙ ﻋﻠﻮﻡ ﺧﺪﻳﺘﻴﻬﺎ ﺑﻨﻘﻄﺔ ﻣﺰﻳﺎﻧﺔ، ﻭﺩﺍﺑﺎ ﺑﺎﻏﻲ ﺩﻭﺯ ﺍﻟﻜﻮﻧﻜﻮﺭﺍﺕ ﺑﺎﺵ ﺗﺤﻘﻖ ﺩﻳﻚ ﺩﻳﻜﺸﻲ ﻟﻲ ﻛﻨﺘﻲ ﺭﺍﺳﻤﻮ ﻟﺤﻴﺎﺗﻚ .. ﺩﻳﺮ ﺍﻟﻤﻴﺪﺳﻴﻦ، ﻻﻧﺠﻴﻨﻴﻮﺭﻱ ﻓﺸﻲ ﻣﺪﺭﺳﺔ ﻭﻻ ﺩﺧﻞ ﻟﻲ ﻛﻼﺵ ﺑﺮﻳﺒﺎ .. ﻛﻨﻀﻦ ﻫﺎﺩﻭ ﻫﻮﻣﺎ ﺃﺣﻼﻡ ﺗﻠﻤﻴﺬ ﻛﻴﻘﺮﺍ ﻣﺰﻳﺎﻥ ﻓﺎﻟﺒﺎﻙ .. ﺗﺎ ﻭﺍﺣﺪ ﻣﺎﻛﻴﻘﻮﻝ ﺍﻧﺎ ﺍﻧﺪﻳﺮ ﻻﻓﺎﻙ ﺷﻌﺒﺔ ﻛﺪﺍ ... ﺣﺘﺎ Fst ﺗﺎ ﻭﺍﺣﺪ ﻣﺎﻛﻴﺤﻠﻢ ﻳﺪﺧﻞ ﻟﻴﻬﺎ .. ﺧﺼﻚ ﺗﻌﺮﻑ ﺑﻠﻲ ﻻﻓﺎﻙ ﻫﻲ ﻟﻲ ﻛﺘﺨﺘﺎﺭﻙ ﻣﺎﺷﻲ ﻧﺘﺎ ﻟﻲ ﻛﺘﺨﺘﺎﺭﻫﺎ .. ﻣﻜﺘﻔﺮﻗﺶ ﺑﻴﻦ ﻣﻮﻝ 15 ﻭﻻ 10 ﻓﺎﻟﺒﺎﻙ، ﻟﻲ ﺑﻐﺎﺗﻮ ﻛﺘﺠﻴﺒﻮ ﻟﻌﻨﺪﻫﺎ .. ﺑﺤﺎﻝ ﺍﻟﺘﺠﻨﻴﺪ ﺍﻻﺟﺒﺎﺭﻱ، ﻣﻴﻦ ﻛﻴﺠﻲ ﻋﻨﺪﻙ ﺍﻟﻤﻘﺪﻡ ﻭ ﻛﻴﻘﻮﻟﻚ ﻧﺘﺎ ﺟﺎﻙ ﺍﻟﺘﺠﻨﻴﺪ ﺍﻻﺟﺒﺎﺭﻱ ﺻﺎﺍﻓﻲ ﺳﺪﺍﺕ ﻣﺪﺍﻡ ﻛﺘﻤﺸﻲ ﺍﻟﺤﺮﺏ ﺻﺤﺔ، ﺑﻘﺎﺕ ﻭﺍﺵ ﺍﺗﺨﺮﺝ ﻣﻦ ﺍﻟﺤﺮﺏ ﺳﻠﻴﻢ ﻭﻻ ﻣﻌﺎﻕ ﻫﻬﻬﻬﻪ ﺫﻫﻨﻴﺎ ﺃﻗﺼﺪ
ﺯﻳﺪ ﺍﺳﻴﺪﻱ ﺑﺮﻳﺒﺎﺭﺍﺗﻲ ﻓﺎﻟﺼﻴﻒ ﻣﺰﻳﺎﻥ .. ﺩﻭﺯﺗﻲ ﺩﻭﻙ ﺍﻟﻜﻮﻧﻜﻮﺭﺍﺕ ﺑﻘﻴﺘﻲ ﻣﺸﻌﻠﻖ ﻑ ﻟﻲ ﻟﻴﺴﺖ ﺩﺍﺗﻮﻧﻂ ﻭﻻ ﻧﻮﻥ ﺃﺩﻣﻲ ﻏﺎﻉ ﺑﺤﺎﻟﻲ ﻫﻬﻬﻪ ( non admis ﺍﻟﻠﻪ ﻳﺤﻔﻀﻨﻲ ﻭ ﻳﺤﻔﻀﻜﻮﻡ ) ﺑﻘﺎﻟﻚ ﺁﺧﺮ ﺍﻣﻞ ﺍﻻ ﻭ ﻫﻮ ..Fst ﻧﺎﺭﺭﺭﺭﻱ ﺣﺘﺎ Fst ﻣﺎﺗﻘﺒﻠﺘﻴﺶ ﻓﻴﻬﺎ ﻋﻤﺎﺭﻭ ﺍﻟﺒﻼﻳﺺ ﻭ ﺟﺎﺗﻚ ﺷﻲ ﻭﺣﺪﺓ ﺑﻌﻴﺪﺓ ﻋﻠﻰ ﺩﺍﺭﻛﻮﻡ ﺑﺰﺍﻑ ..
ﻻﻓﺎﻙ ﺗﻨﺎﺩﻱ ﺍﺧﻲ ﺍﻟﺰﻧﺠﻲ .. ﺑﻄﺒﻴﻌﺔ ﺍﻟﺤﺎﻝ ﻛﺘﺤﺲ ﺑﻠﻲ ﺍﻻﺣﻼﻡ ﺩﻳﺎﻟﻚ ﺑﺪﺍﻭ ﻛﻴﺘﻼﺷﺎﻭ ﻛﺘﺴﻤﻊ ﺑﻠﻲ ﻻﻓﺎﻙ ﻣﺎﻓﻴﻬﺎﺵ ﻗﺮﺍﻳﺔ ﻭ ﻓﻮﺭﻣﺎﺳﻴﻮﻥ ﺿﻌﻴﻔﺔ، ﺍﻻﺳﺎﺗﺬﺓ ﻣﻜﻴﻌﻄﻮﺵ ﺍﻫﻤﻴﺔ ﻟﻠﻄﻠﺒﺔ .. ﺍﻻﻏﻠﺒﻴﺔ ﻛﻴﻌﺎﻭﺩ ﺍﻟﻌﺎﻡ ﺍﻻﻭﻝ ﻭ ﻛﻴﺒﺪﻝ ﺍﻟﺸﻌﺒﺔ ﻭﻻ ﻛﻴﺪﻳﺮ ..ista ﻣﻜﺘﻌﺎﻭﺩ ﻏﻲ ﺍﻟﺼﻼﺓ ﻋﻠﻰ ﺍﻟﻨﺒﻲ ﻭ ﺍﻟﻌﺎﻡ ﺍﻻﻭﻝ ﺩﻳﺎﻝ ﻻﻓﺎﻙ
ﻧﺴﺎ ﻋﻠﻴﻚ ﻫﺎﺩ ﺍﻟﺘﺨﺮﺑﻴﻖ ﻫﺬﺍ ﻛﺎﻣﻞ .. ﺩﻳﺮ ﻓﺒﺎﻟﻚ ﺍﻥ ﻟﻲ ﺧﺪﻡ ﻛﻴﻮﺻﻞ، ﻭ ﻧﺘﺎ ﺭﺍﻙ ﻋﺎﺭﻓﻬﺎ ﺳﻮﻟﻨﻲ ﻋﻠﻰ ﺍﻟﻌﻠﻮﻡ ﻧﻘﻮﻭﻟﻚ ﺍﻟﺴﻬﻴﺮ ﻭ ﺳﺘﻴﻠﻮ ﺯﺭﻕ ﻓﺎﻟﺴﻴﻤﺎﻧﺎ، ﻟﻲ ﻛﻴﺘﻤﻨﺎ ﺷﻲ ﺣﺎﺟﺔ ﺭﺑﻲ ﻣﻜﻴﺨﻴﻴﻮﺵ ﻓﻴﻬﺎ، ﻭﻻ ﻣﺎﺣﻘﻘﺘﻴﺶ ﺍﻟﺤﻠﻢ ﺩﻳﺎﻟﻚ ﺑﺎﻟﻄﺮﻳﻘﺔ ﻟﻲ ﻛﺘﺸﻮﻓﻬﺎ ﻧﺘﺎ، ﺭﺑﻲ ﻏﺎﺩﻱ ﻳﺤﻘﻘﻬﺎﻟﻚ ﺑﻄﺮﻳﻘﺘﻪ ﻭ ﺍﺗﺤﺲ ﺑﺪﻳﻚ ﺍﻟﻔﺮﺣﺔ ؛ ﻓﺮﺣﺔ ﺍﻟﻨﺠﺎﺡ ﻭ ﺗﺜﺒﻴﺚ ﺍﻟﺨﻄﻰ ﻓﻮﺟﻪ ﺍﻟﻤﺴﺘﻘﺒﻞ ﻭ ﺗﺸﻮﻑ ﺩﻣﻮﻉ ﺍﻟﻔﺮﺣﺔ ﺩﻳﺎﻝ ﺍﻟﻮﺍﻟﺪﺓ ﺩﻳﺎﻟﻚ ﻣﻴﻦ ﺗﻘﻮﻻ ﺭﺍﻧﻲ ﻓﺎﻟﻴﺪﻳﺖ ﻛﻠﺸﻲ ﻓﺎﻟﺪﻭﺭﺓ ﺍﻟﻌﺎﺩﻳﺔ .. ﻭ ﻣﻦ ﻫﻨﺎ 3 ﺳﻨﻴﻦ ﺗﻘﻮﻟﻬﺎ ﺭﺍﻧﻲ ﺧﺪﻳﺖ ﻟﻴﺴﻴﻮﻧﺲ ﺑﻤﻮﻧﺴﻴﻮﻥ ﺑﻴﺎﻥ ﻭﻻ ﺩﺧﻠﺘﻲ ﻟﺸﻲ ﻣﺪﺭﺳﺔ ﺩﻳﺎﻝ ﺍﻟﻬﻨﺪﺳﺔ ﺑﻜﻮﻧﻜﻮﺭ ﺩﻳﺎﻝ bac+2 ﻭﻻ bac+3 ﻛﻴﻒ ﻛﻨﺘﻲ ﻛﺘﻤﻨﺎ .. ﻻ ﻛﺎﻥ ﻛﻴﺠﻴﻚ ﻫﺎﺩﺷﻲ ﺑﺰﺍﻑ، ﺭﺍﻩ ﺭﺑﻲ ﻏﺎﺩﻱ ﻳﺤﺤﻘﻬﻮﻟﻚ ﻣﻦ ﺣﻴﺚ ﻻ ﺗﺤﺘﺴﺐ .. ﺭﺑﻲ ﻛﺒﻴﺮ ﻭ ﺍﻟﺪﻧﻴﺎ ﻣﻜﺘﺴﻮﺍﺵ ﻋﻨﺪﻭ ﻭ ﻟﻮ ﺟﻨﺎﺡ ﺑﻌﻮﺿﺔ ﺇﻥ ﻗﺎﻝ ﻟﻪ ﻛﻦ ﻓﻴﻜﻮﻥ .. ﻏﻴﺮ ﻧﺘﺎ ﺧﺼﻚ ﺗﺎﺧﺪ ﺑﺎﻻﺳﺒﺎﺏ ﻭ ﺗﻮﻛﻞ ﻋﻠﻰ ﺍﻟﻠﻪ ﻓﻬﻮ ﺣﺴﺒﻚ .
ﻣﻦ ﺑﻌﺪ ﻣﺎﺧﺮﺟﺘﻲ ﻣﻦ ﺍﻷﺯﻣﺔ ﻭ ﺍﺳﺘﻮﻋﺒﺘﻲ ﺍﻧﻚ ﺻﺎﻓﻲ ﻏﺎﺩﻱ ﺩﻳﺮ ﻻﻓﺎﻙ .. ﺧﺼﻚ ﺗﻌﺎﻭﺩ ﺍﻟﻬﻴﻜﻠﺔ ﺩﻳﺎﻝ ﺩﻳﻚ ﺍﻻﺣﻼﻡ ﻟﻲ ﺭﺳﻤﺘﻬﻮﻡ ﻟﺤﻴﺎﺗﻚ ﻗﺒﻞ ﺍﻟﺒﺎﻙ .. ﺍﻟﻮﺍﻗﻊ ﺣﺎﺟﺔ ﻭ ﺍﻻﺣﻼﻡ ﺣﺎﺟﺔ ﺍﺧﺮﻯ، ﻗﺒﻞ ﻣﺎﺩﺧﻞ ﺍﻭﻝ cours ﺩﻳﺎﻟﻚ ﻓﻼﻓﺎﻙ ﺧﺎﺻﻚ ﺗﺂﻣﻦ ﺑﻠﻲ ﻧﺘﺎ ﻏﺎﺩﻱ ﺗﻘﺮﺍ ﺑﺎﺵ ﺗﻮﺻﻞ ﻟﻼﺣﻼﻡ ﺩﻳﺎﻟﻚ، ﻭ ﺍﻥ ﻻﻓﺎﻙ ﻛﺘﻮﺻﻞ ﻷﻱ ﻣﺪﺭﺳﺔ ﻣﻬﻨﺪﺳﻴﻦ ﻣﻦ ehtp ﺣﺘﺎ ensa ( ﺑﺸﻜﻞ ﺗﻨﺎﺯﻟﻲ ) ﻭ ﻟﻜﻦ ﻣﺎﺷﻲ ﻷﻱ ﻭﺍﺣﺪ، ﻛﺘﻮﺻﻞ ﻫﺬﺍﻙ ﻟﻲ ﻛﻴﺨﺪﻡ، ﻫﺬﺍﻙ ﻟﻲ ﻛﻴﺸﺮﻙ ﺍﻟﻠﻴﻞ ﻣﻊ ﺍﻟﻨﻬﺎﺭ، ﻟﻲ ﻛﻴﺴﺒﻖ ﺍﻟﺒﺮﻭﻑ ﻓﺎﻟﻜﻮﺭ ﻭ ﺍﻟﺘﻤﺎﺭﻳﻦ، ﻟﻲ ﻛﻴﺨﻠﻖ ﻋﻼﻗﺎﺕ ﻣﻊ ﺍﻻﺳﺎﺗﺬﺓ، ﻣﻜﺎﺩﻭﺯﺵ ﻋﻠﻴﻪ ﺍﻟﺴﻴﻤﺎﻧﺎ ﺣﺘﺎ ﻛﻴﻜﻮﻥ ﺍﺳﺘﻮﻋﺐ ﻛﺜﺮ ﻣﻦ %70 ﺩﻳﺎﻝ ﺩﻳﻜﺸﻲ ﻟﻲ ﻗﺮﺍﻩ ﻭ ﻣﻮﺟﺪ ﻟﻠﺴﻴﻤﺎﻧﺎ ﺍﻟﺠﺎﻳﺔ ﻛﻴﻘﻠﺐ ﻋﻠﻰ ﺍﻟﺘﻤﺎﺭﻳﻦ ﻓﻴﻦ ﻣﺎ ﻛﺎﻧﻮ، ﻛﻴﺤﺎﻭﻝ ﻳﺪﻳﺮ ﺃﻭﻃﻮﻓﻮﺭﻣﺎﺳﻴﻮﻥ ﺭﺍﺳﻮ ﻟﻲ ﺍﺗﺨﻠﻴﻪ ﻳﺪﻭﺯ ﺩﻳﻚ ﺍﻟﻜﻮﻧﻜﻮﺭ ﺩﻳﺎﻝ deug ﻭ ﻳﻨﺠﺢ ﺣﻴﺖ ﺑﺼﺢ ﺍﻟﻔﻮﺭﻣﺎﺳﻴﻮﻥ ﺩﻳﺎﻝ ﻻﻓﺎﻙ ﻧﺎﻗﺼﺔ ﻫﺎﺩﺷﻲ ﻟﻲ ﻋﻄﺎ ﺍﻟﻠﻪ .. ﻫﺎﺩﺷﻲ ﻛﺎﻣﻞ ﻻ ﺩﺭﺗﻴﻪ ﻏﻴﺮ ﺑﺎﺵ ﻣﻴﻦ ﻳﻘﺮﺑﻮ ﺍﻻﻣﺘﺤﺎﻧﺎﺕ ﻭ ﻳﻌﻄﻴﻮﻛﻮﻡ ﺩﻳﻚ ﺍﻟﺴﻴﻤﺎﻧﺎ ﺩﻳﺎﻝ ﺍﻟﺒﺮﻳﺒﺎﺭﺍﺳﻴﻮﻥ ﻛﻴﻒ ﻣﺎ ﻛﻴﺴﻤﻴﻮﻫﺎ ﺍﻟﻄﻠﺒﺔ .. ﺃﻧﺎ ﻛﻨﺴﻤﻴﻬﺎ Semaine de révision ﻣﺎﺷﻲ Semaine de ..préparation ﺣﻴﺖ ﻣﺎﻋﻤﺮ ﺍﻟﺒﺮﻳﺒﺎﺭﺍﺳﻴﻮﻥ ﻛﺘﻜﻮﻥ ﻓﺴﻴﻤﺎﻧﺎ .. ﻓﺎﺵ ﺍﺗﺠﻲ ﺩﻳﻚ ﺍﻟﺴﻴﻤﺎﻧﺎ ﻧﺘﺎ ﺍﺗﻜﻮﻥ ﻏﻴﺮ ﻛﺘﺮﺍﺟﻊ ﻭ ﻛﺘﺨﺪﻡ ﻧﻤﺎﺫﺝ ﺍﻣﺘﺤﺎﻧﺎﺕ ﺩﻳﺎﻝ ﺍﻟﻤﻐﺮﺏ .. ﺳﺎﻟﻴﺘﻴﻬﻮﻡ ﻫﻬﻬﻪ .. ﻛﺪﻭﺯ ﻟﺪﻳﺎﻝ ﻓﺮﻧﺴﺎ .. ﻭ ﻫﺎﺩﺷﻲ ﻛﺎﻣﻞ ﻣﻮﺟﻮﺩ ﻓﺎﻻﻧﺘﺮﻧﻴﺖ ﻓﺎﻟﺨﺮ ﺍﻧﻌﻄﻴﻜﻮﻡ ﺩﻳﻜﺸﻲ ﻟﻲ ﻛﻨﺖ ﻛﻨﺨﺪﻡ ﺑﻪ
ﻭ ﻧﺼﻴﺤﺔ ﺍﺧﻴﺮﺓ ﺑﻌﺪ ﻋﻠﻰ ﺩﻳﻚ ﺍﻟﻨﺎﺱ ﻟﻲ ﻣﺸﺎﻭ ﻻﻓﺎﻙ ﺍﺑﺎﺵ ﻳﻀﻴﻌﻮ ﺍﻟﻌﺎﻡ ﻭ ﻛﺘﻠﻘﺎﻫﻮﻡ ﻣﺠﻤﻮﻋﻴﻦ ﻑ buvette ﻛﻴﻠﻌﺒﻮ ﺍﻟﻜﺎﺭﻃﺔ ، ﺣﺘﺎ ﺍﻟﺸﻌﺒﺔ ﻟﻲ ﺩﺍﻳﺮﻫﺎ ﻛﺘﻠﻘﺎﻩ ﻣﺎﻋﺮﻓﻬﺎﺵ ﻋﻼﺵ ﻛﺘﻬﺪﺭ ﺩﺍﺭﻫﺎ ﺣﻴﺖ ﺷﺎﻑ ﺻﺤﺎﺑﻮ ﺩﺍﺭﻭﻫﺎ ﻭ ﻻ ﺷﻲ ﺑﻨﺖ ﺩﺍﺭﺗﻬﺎ .. ﻗﺮﻱ ﺭﺍﺳﻚ ﺑﺮﺍﺳﻚ ﺣﻴﺖ ﻓﺎﻟﺨﺮ ﻏﺎﺩﻱ ﺗﺤﺘﺎﺝ ﺍﻟﻘﺮﺍﻳﺔ ﻟﻲ ﻗﺮﻳﺘﻲ ﻣﺎﺷﻲ ﺍﻟﺪﺑﻠﻮﻡ ﻟﻲ ﺧﺪﻳﺘﻲ ﻭ ﻛﻴﻤﺎ ﻗﺎﻝ ﺍﺳﻔﺮﺍﺩﻳﻜﻲ : " ﺇﻟﻰ ﻛﺎﻧﺖ ﻋﻨﺪﻙ ﻣﻠﻴﻮﻥ ﺩﻭﻻﺭ ﻭ ﺣﺮﻗﺘﻴﻬﺎ ، ﺍﺗﻮﻟّﻲ ﻓﻘﻴﺮ ﻣُﻌﺪﻡ . ﻟﻜﻦ ﺍﻟﻤﻌﺮﻓﺔ ﺍﻟﻠﻲ ﻛﺘﻜﺎﺳﺐ ﺍﺗﺒﻘﻰ ﻣﻌﺎﻙ ﻣﺪﻯ ﺍﻟﺤﻴﺎﺓ ﻭﻟﻮ ﺗﺤﺮﻕ ﻛﺎﻉ ﺍﻟﺸﻮﺍﻫﺪ ."
ﻃﻮﻟﺖ ﻋﻠﻴﻜﻮﻡ ﻭﺍﻗﻴﻠﺔ ﻫﻬﻪ ﺳﻤﻮﺣﺎﺕ .. ﺭﺍﻩ ﻛﺎﻳﻦ ﺑﺰﺍﻑ ﻣﺎﻳﺘﻘﺎﻝ ﻭ ﺍﻓﻜﺎﺭﻱ ﻛﺘﺒﻌﺜﺮ ﺑﺎﺵ ﻛﻨﺠﻲ ﻧﻜﺘﺐ .. ﺻﺎﻓﻲ ﻗﺮﺑﻨﺎ ﻧﺴﺎﻟﻴﻮ، ﻧﻬﺪﺭﻭ ﺷﻮﻳﺔ ﻋﻠﻰ ﺷﻨﻮ ﺍﺗﻘﺮﺍ ﻓﻼﻓﺎﻙ ﻻ ﺩﺭﺗﻲ ﺷﻌﺒﺔ SMIA (Sciences Mathématiques et Informatique Appliqué )
ﺳﻴﺎﺩﻧﺎ ﻫﺎﺩ ﺍﻟﺸﻌﺒﺔ ﻛﺘﻌﺘﺒﺮ ﺍﺣﺴﻦ ﺷﻌﺒﺔ ﻓﻼﻓﺎﻙ ﺑﺎﻹﺿﺎﻓﺔ ﻟﺸﻌﺒﺔ ..SMPC ﺍﻟﻔﺮﻕ ﺑﻴﻨﺎﺗﻬﻮﻡ ﻫﻮ ﻋﺪﺩ ﺍﻟﻄﻠﺒﺔ ﻛﻴﻜﻮﻥ ﻗﻠﻴﻞ ﻑ ..SMAI ﺗﺎ ﻭﺍﺣﺪ ﻣﺎﻛﻴﺰﻋﻢ ﻳﺪﻳﺮ ﺍﻟﻤﺎﻁ ﻭﻻ ﻻﻧﻔﻮﺭﻣﺎﺗﻴﻚ ﻟﻲ ﻣﻌﺎﺭﻑ ﻋﻠﻴﻬﺎ ﻭﺍﻟﻮ ﻭ ﻋﺎﺩ ﻓﻴﻬﺎ ﺍﻻﻧﺘﻘﺎﺀ ﺑﺎﻟﻨﺴﺒﺔ ﻟﻲ ﻋﻨﺪﻫﻮﻡ ﺑﺎﻙ ﻣﻦ ﻏﻴﺮ ﻋﻠﻮﻡ ﺭﻳﺎﺿﻴﺔ .. ﻓﺎﻟﻌﺎﻡ ﺍﻻﻭﻝ ﻛﻨﻘﺮﺍﻭ ﺟﺬﻉ ﻣﺸﺘﺮﻙ ﻭ ﻓﺎﻟﻌﺎﻡ ﺍﻟﺜﺎﻧﻲ ﻛﺘﺨﺘﺎﺭ ﺑﻴﻦ SMI ﻭ SMA ، ﻻ ﺯﻋﻤﺘﻲ ﺩﻳﺮ ﻫﺎﺩ ﺍﻟﺸﻌﺒﺔ ﻋﺮﻑ ﺭﺍﺳﻚ ﺭﺍﻙ compétent ﻭ ﻗﺎﺩﺭ ﺗﻤﺸﻲ ﺑﻌﻴﺪ، ﻣﺎﺗﻜﺎﺳﻠﺶ ﻭ ﻣﺎ ﺗﺎﻫﺎﻭﻧﺶ ﻓﺎﻟﺪﺭﻭﺱ ﺩﻳﺎﻟﻚ ﻣﺎﺗﺨﻠﻲ ﺗﺎ ﺣﺎﺟﺔ ﺗﻬﺮﺏ ﻋﻠﻴﻚ، ﻭ ﻣﺎﻏﺎﺩﻱ ﻳﻜﻮﻥ ﻏﻴﺮ ﺍﻟﺨﻴﺮ، ﻋﻄﻲ ﻟﻜﻞ ﻣﻮﺩﻳﻞ ﻭﻗﺘﻮ، ﻭ ﺑﻄﺒﻴﻌﺔ ﺍﻟﺤﺎﻝ ﺍﻟﻮﻗﺖ ﻛﻴﺨﺘﺎﻟﻒ ﻣﻦ ﻣﺎﺩﺓ ﻟﻤﺎﺩﺓ ﻋﻠﻰ ﺣﺴﺐ ﺍﻟﺼﻌﻮﺑﺔ ﺩﻳﺎﻝ ﺍﻟﻤﻮﺍﺩ، ﻻ ﻛﻨﺘﻲ ﺳﻴﻮﻧﺲ ﻣﺎﻁ ﻫﻨﻴﺌﺎ ﻟﻚ ﻭ ﻻ ﻛﻨﺘﻲ ﺳﻴﻮﻧﺲ ﻓﻴﺰﻳﻚ ﺧﺼﻚ ﺗﺰﻳﺪ ﺗﺨﺪﻡ، ﺣﻴﺖ ﻛﺎﻳﻨﺔ ﺷﻲ ﻓﻘﺮﺍﺕ ﻭ ﻣﻮﺍﺩ ﺗﻘﺮﻳﺒﺎ ﺑﺤﺎﻝ ﻟﻲ ﻗﺮﻳﻨﺎﻫﻮﻡ ﻓﺎﻟﺒﺎﻙ ﺳﻴﻮﻧﺲ ﻣﺎﻁ، ﻏﻴﺮ ﻛﻴﺘﻌﺎﻭﺩﻭ ﺑﺎﻟﻔﺮﻧﺴﻲ ﻭ ﺻﺎﻑ، ﻭ ﻋﻠﻰ ﺫﻛﺮ ﺍﻟﻔﺮﻧﺴﻲ ﻣﺎﺧﺼﺎﺵ ﺗﺸﻜﻞ ﻟﻴﻜﻮﻡ ﻋﺎﺋﻖ ﺗﻤﺎﻣﺎ، ﺗﻌﺎﻣﻞ ﺑﺤﺎﻻ ﺭﺍﻙ ﻛﺘﻘﺮﺍ ﻓﺎﻟﻘﺴﻢ ﻋﺎﺩﻱ ﺍﺳﺘﺎﺫ ﻛﻴﺸﺮﺡ ﻭ ﻧﺘﺎ ﻛﺘﻨﻮﻃﻲ ﻻ ﻣﺎﻓﻬﻤﺘﻴﺶ ﺷﻲ ﻛﻠﻤﺔ ﻛﺪﻳﺮﻻ ﺍﻟﺘﺮﺟﻤﺔ ﻭ ﻫﺎﻛﺎ ﻛﺘﻜﺘﺴﺐ ﺑﺎ g ﺍﺝ ﺍﻟﻠﻐﺔ ﺍﻟﻌﻠﻤﻴﺔ .
ﺷﻨﻮ ﻏﺎﺩﻱ ﻧﻘﺮﺍ ﻓﺎﻟﻤﻮﺩﻳﻼﺕ / ﺍﻟﻤﻮﺍﺩ ﻓﺎﻟﻌﺎﻡ ﺍﻻﻭﻝ SMIA ؟؟
****** Première Semestre ****
1 : ﻧﺒﺪﺍﻭ ﺑﻘﺎﻫﺮ ﺍﻷﺟﻴﺎﻝ Mécanique du point :matériel
ﻻ ﻛﻨﺘﻲ ﻣﻦ ﺍﻟﻨﺎﺱ ﻟﻲ ﻛﻴﺒﺪﺍﻭ ﻳﺎﻟﻤﻴﻜﺎﻧﻴﻚ ﻓﺎﻻﻣﺘﺤﺎﻥ ﺍﻟﻮﻃﻨﻲ ﺣﻴﺖ ﻛﻴﺠﻴﻚ ﺭﻭﺗﻴﻨﻲ ﻭ ﺳﺎﻫﻞ ﻭ ﺩﺍﻛﺸﻲ ﻣﻌﺮﻭﻑ ﻣﺎ ﻛﻴﺨﺮﺟﺶ ﻋﻠﻰ ﻭﺍﺣﺪ ﺍﻟﻨﻄﺎﻕ ﻣﻌﻴﻦ ﺩﻳﺎﻝ les astuces ، ﺧﺼﻚ ﺗﺤﻀﻲ ﺭﺍﺳﻚ ﻣﻦ ﻫﺎﺩ ﺍﻟﻤﺎﺩﺓ ﻭ ﻭﺟﺪﻟﻴﻬﺎ ﻣﺰﻳﺎﻥ ﻭ ﺳﻴﺮ ﻣﻌﺎﻩ ﺩﻗﺔ ﺩﻗﺔ ﺣﻴﺖ ﺍﻟﻤﻔﺎﻫﻴﻢ ﺩﻳﺎﻝ ﺍﻟﻤﻴﻜﺎﻧﻴﻚ ﺩﻳﺎﻝ ﺍﻟﺒﺎﻙ ﻛﺘﺒﺪﻝ ﻭ ﻃﺮﻳﻘﺔ ﺍﻟﺨﺪﻣﺔ ﻛﺘﻘﻠﺐ 6 9 ، ﻣﺜﻼ ﻓﺎﻟﺒﺎﻙ ﻛﻨﺎ ﻛﻨﺤﺴﺒﻮ ﺍﻟﺸﻐﻞ ﻋﺎﺩﻱ ﺟﺪﺍﺀ ﺳﻠﻤﻲ ﺩﻳﺎﻝ ﺍﻟﻘﻮﺓ ﻓﺎﻟﻤﺴﺎﻓﺔ ﺣﻴﺖ ﻛﻨﺎ ﻛﻨﻌﺘﺒﺮﻭ ﺍﻟﻘﻮﺓ ﺛﺎﺑﺘﺔ، ﺩﺧﻠﻨﺎ ﻋﻠﻴﻜﻮﻡ ﺑﺎﻟﻠﻪ ﻭﺍﺵ ﻛﺎﻳﻨﺔ ﺷﻲ ﻗﻮﺓ ﺛﺎﺑﺘﺔ ﻫﻬﻬﻬﻬﻪ، ﺩﺍﺑﺎ ﺍﻧﻮﻟﻴﻮ ﻧﺤﺴﺒﻮﻩ ﺑﻄﺮﻳﻘﺔ ﺍﺧﺮﻯ ؛ ﺍﻧﺪﺧﻠﻮ ﻣﻌﺎﻩ ﺍﻟﺘﻜﺎﻣﻞ ﻭ ﺍﻟﻘﺪﺭﺓ ﻻ ﻛﺎﻧﺖ ﺍﻟﻘﻮﺓ ﻣﺤﺎﻓﻈﺔ، ﻣﺎﺗﺨﻠﻌﻮﺵ ﺗﺎ ﺣﺎﺟﺔ ﻣﺎﺻﻌﻴﺒﺔ ﻛﻠﺸﻲ ﻛﻴﺘﻔﻬﻢ
التالي
« الموضوع السابق
« الموضوع السابق
السابق
الموضوع التالي »
الموضوع التالي »