✅ شروط التسجيل في الباك ليبر 2024 1️⃣أول شرط : خاص المترشح كون قرا الكاطريام اي تاسعة بالكامل وخا متنجحش مهم تكون قريتي العام كامل + خاصك ضروري تسنى مدة سنتين على الانقطاع عاد ايمكن ليه تسجل فباك حر 2️⃣الشرط الثاني : الا كنتي دوزتي تاسعة حرة نجحتي خاصك تسنى حتى دوز عامين عاد ايمكن ليك دوز باك ليبر 3️⃣ الشرط الثالث : الى دفعتي 3 سنوات لباك حر بشكل متتالي خاصك تسنى حتى دوز 3 سنوات عاد يمكن ليك تسجل فباك ليبر عن اخر دورة دوزتي 4️⃣الشرط الرابع : خاص ميكونش الاسم ديالك ضمن لائحة الغشاشين المعنيين بعقوبة الاقصاء 5️⃣الشرط الخامس : خاص متكونش غيبتي في امتحانات البكالوريا في السنوات الماضية بدون مبرر مقبول الى غيبتي بدون مبرر خاصك تسنى حتى دوز سنتين عن اخر دورة دوزتي فيها باك حر 6️⃣الشرط الاخير : خاص ضروري تبدل المسلك يعني الى كنتي خديتي باكالوريا اداب فراه خاصك دير اما علوم إنسانية او مسالك علمية بحال PC او svt أو علوم رياضية الخ...مهم مخاصكش دير نفس المسلك هاد القضية راه زوينة نزيدو نوضحو مزيان 🟥خديتي باك PC راه عندك الحق دير SVT والعكس صحيح 🟥 خديتي باك اداب راه عندك الحق دير باك علوم انسانيه 🟥 خديتي باك اقتصاد راه عندك الحق دير باك التدبير المحسابتي
طريقة التسجيل في الباكالوريا أحرار 2024 الوثائق المطلوبة + خطوات التسجيل في باك حر لسنة 2024 1️⃣ أولا كتملئ طلب التسجيل عبر الموقع الالكتروني:التسجيل في باك ليبر 2024 bac 7or
https://candidaturebac.men.gov.ma
2️⃣
ملي كتسالي التسجيل كيخرج ليك أتوماتيكيا واحد وصل التسجيل مع التزام الغش :
✓ 🧾وصل التسجيل كدير منو 2 فوطوكوبي؛
✓ 📑 التزام الغش كتخرجو كتمشي تگاليزيه فالمقطاعة؛
3️⃣ من بعد كتمشي المكتبة كتشري ملف أبيض خاصك تعمرو :
▫️صفحة ديل طلب الترشيح كتعمرها راسك؛
▫️صفحة ديل شهادة الانقطاع كتعمرها عند المدير ديل آخر مدرسة خرجتي منها، كتعطيه صورتك لاصقها كاشي عليها؛
▫️صفحة ديل رسم الولادة كتعمرها فالمقاطعة لي كتاخد منها عقد الإزدياد،
▫️صفحة ديل شهادة مدرسية كتخليها خاوية،
4️⃣ الخطوة الأخيرة كتجمع هاد الوثائق كديرهم فملف كدفعهم للنيابة لي تابع ليها 🏫
:
✓ 2 صور شخصية ( تقدر تكون كثر على حسب كل نيابة )
✓ 3 اظرفة متنبرة ( تقدر تكون كثر على حساب كل نيابة )
✓ 2 نسخ من وصل التسجيل لي خرجتي؛
✓ التزام الغش لي خرجتي صداقتي عليه؛
✓ الملف الأبيض لي عمرتي؛
✓ شهادة السكنى إلى كنتي باغي دوز فشي مدينة أخرى؛
✓ شهادة الإعفاء من الرياضة كيدروها الناس لي مابغينش دوزو الامتحان ديل سبور؛